Змест:
- Што такое "Інтэрнет-модуль Беларускага Слоўніка"?
- Сістэмныя патрабаванні
- Як усталяваць інтэрнет-модуль?
- Як карыстацца інтэрнет-модулем?
- Як выдаліць інтэрнет-модуль?
- Падзякі
- Адказнасць і аўтарскія правы
- Звесткі для сувязі
Што такое "Інтэрнет-модуль Беларускага Слоўніка"?
Інтэрнет-модуль Беларускага Слоўніка прызначаны для перакладу любога слова (ці словаспалучэння), выдзеленага Вамі ў вакне праглядальніка Microsoft Internet Explorer. Вы можаце перакладаць з беларускай мовы на расейскую і наадварот. Таксама існуе абмежаваная магчымасць перекладу з/на ангельскую мову.
Сістэмныя патрабаванні
Інтэрнет-модуль Беларускага Слоўніка працуе толькі ў сістэме Microsoft Windows NT/98/Me/2000/XP/2003 і толькі з праглядальнікам Microsoft Internet Explorer версіі 5.0 ці вышэй.
Як усталяваць інтэрнет-модуль?
Спампуйце на дыск файл рэестру: ie5_slounik_inst.reg і запусціце яго з каманднага радка ці з Правадніка Windows.
Калі на Вашым кампутары усталявана Windows 2000 ці вышэй з ангельскай ці амерыканскай лакальлю, то Вам трэба выкарыстоўваць наступны файл рэестру: ie5_slounik_inst_unicode.reg, які падтрымлівае Юнікод.
Увага: змены пры ўсталяванні ці выдаленні інтэрнет-модуля ўвайдуць у сілу толькі пасля закрыцця ўсіх адкрытых акон праглядальніка і адкрыцця новага акна праглядальніка.
Як карыстацца інтэрнет-модулем?
Для атрымання перакладу выдзеліце слова ці словаспалучэнне, і клікніце правую кнопку мышкі
на выдзеленым тэксце ці націсніце адначасова клавішы Shift + F10. У з'явіўшымся меню
выберыце каманду "СЛОЎНІК: перакласці".
Некаторыя парады па карыстанню:
- Рэгістр выдзеленага слова неістотны - г.зн. пошук пераклада словаў "Слоўнік" і "слоўнік" дасць аднолькавы вынік.
- Пошук праводзіцца не ўлічваючы марфалогію слова (дакладнае супадзенне) - г.зн. калі Вы шукаеце пераклад назоўніка, старайцеся не выдзяляць канчатак слова, калі яно не ў назоўным склоне ці не ў адзіночным ліку.
- Сімвалы прабелаў спераду і ззаду выдзеленага кавалка тэксту аўтаматычна выдаляюцца, таму ніяк не ўплываюць на вынік пошуку.
Як выдаліць інтэрнет-модуль?
Спампуйце на дыск файл рэестру: ie5_slounik_uninst.reg і запусціце яго з каманднага радка ці з Правадніка Windows.
Калі Вы ўсталёўвалі файл з патрымкай Юнікода, то для выдалення карыстайцеся наступным файлам: ie5_slounik_uninst_unicode.reg.
Увага: змены пры выдаленні інтэрнет-модуля ўвайдуць у сілу толькі пасля закрыцця ўсіх адкрытых акон праглядальніка і адкрыцця новага акна праглядальніка.
Падзякі
Аўтар удзячны:
- Праекту Slounik.org за беларускія online слоўнікі.
- Праекту boot.by за бясплатны хостынг для гэтага некамерцыйнага праекта.
Адказнасць і аўтарскія правы
- Гэты практ з'яўляецца некамерцыйным і бясплатным для ўсіх карыстальнікаў, не зважаючы на расавую прыналежнасць, цвет скуры, рэлігію, пол, палавую ідэнтычнасць ці выраз, сэксуальную арыентацыю, нацыянальнасць, генетыку, непрацаздольнасць, узрост ці ветэранскі статус.
- Аўтар не нясе ніякай адказнасці за работу гэтага сэрвіса.
- Аўтар не нясе ніякай адказнасці за пашкоджаньне ці страту інфармацыі, якія маглі б адбыцца з прычыны карыстання інтэрнет-модулем.
- Аўтар гарантуе, што інтэрнет-модуль не прызначаны наўмысна прычыніць шкоду Вам ці Вашаму кампутару.
- Інтэрнет-модуль створаны мной і ўсе аўтарскія правы належаць мне - Міколу Зайкіну.
- Усе аўтарскія правы на электронныя слоўнікі належаць праекту Slounik.org.
Звесткі для сувязі
Калі ў Вас ёсць нейкія заўвагі ці прапановы аб паляпшэнні работы модуля, калі ласка, лістуйце на электронны адрас.